الريادي صلاح الشاذلي, مجرد صدفة

اعرفكوا بنفسي اولا انا صلاح الشاذلي طالب بكليه التجاره جامعه المنوفيه تميت 20 سنه الحمد لله في 18/7 الي فات انا سميت موضوعي “مجرد صدفه”لان فعلا مجرد صدفه بالنسبه ليا غيرت حاجات كتير في حياتي والصدفه دي
هي الي عرفتني بنظمه سايف SIFE
الي اتغير اسمها وبقت دلوقتي اناكتس ENACTUS
انا عرفت سايف او نقول دلوقتي اناكتس با الصدفه لقيت مقر اتحاد الطلبه مليان با الطلاب وفيه حركه غريبه فا سالت هو ايه الي بيحصل قالولي ان الطلبه بتقدم عشان تدخل سايف في الاول انا افتكرتها اسره طلابيه عادي زي بقيت الاسر شغالها كله مقتصر في الكليه وخلاص وبين الطلبه مش اكتر المهم وقفت مع واحد من الطلبه عشان اعرف يعني ايه سايف دي المهم حسيت من كلامه انهم غير الاسر الطلابيه الي كل هدفهم ازاي ينظموا رحله ينجحوا في انتخابات اتحاد طلبه حاجات زي كده والكلام ده وانهم منظمه دوليه موجوده في اكتر من 40 دوله حول العالم وموجوده في 39 جامعه في مصر حكوميه وخاصه وان هدفها تنميه المجتمع عن طريق رياده الاعمال لدي الطلبه وبمساعده اساتذه الجامعه ورجال الاعمال وكل سنه بتعمل مسابقه بين الجامعات واكتر جامعه فادت مجتمعها ومشاريعها حققت اهداف اناكتس الثلاثه هدف اجتماعي وهدف تنموي وهدف بيئي  بمعني ان اي مشروع لازم الجامعه تعملو لازم يتحقق فيه الاهداف الثلاثه دول بتمثل مصر دوليا في كاس العالم الي بيتعمل كل سنه في دوله مختلفه انا في الاول مقتنعتش اوي با الفكره ومرضتش اقدم في اليوم ده واليوم ده كان اخر يوم لتقديم وروحت بحثت عنهم عن النت ولاقيت انهم فعلا حاجه تانيه خالص وفعلا عملو مشاريع فادوا بيها ناس كتير انا عجبتني الفكره اوووي لدرجه اني كنت عايز ادخل اناكتس باي شكل في اول سنه ليا وندمت اني مقدمتش في اليوم ده فضلت طول السنه دي متابع اخبارهم واعرف هما بيعملوا ايه من اصحابي الي دخلوا اناكتس وافكر في افكار مشاريع تفيد المجتمع عشان السنه الجايه واستنيت ع ما فتحوا تقديم لسنه الجديده ان بمجرد ما نزلوا لتقديم قدمت وعملت اول انترفيو في حياتي واتقبلت الحمد لله واصبحت عضو لمنظمه اناكتس جامعه المنوفيه بقيت بحضر كل الاجتماعات وادور في افكار مشاريع لاخدم بيها  مجتمعي وبقيت انزل اعمل مشاريع وافيد مجتمي بجد احساس رائع لما تحس انك ساهمت ب ولو جزء بسيط في انك تزود دخل فقير او انك تغير حياته للاحسن ولما نزلت مشاريع لقيت ان مجتماعنا مليان مشاكل وكلها عايزه حلول بيقت متحمس اكتر با

اني اكون في فريق واني اكون اكتيف  عشان اساعد في حل مشاكل دي

ودخلت مع فريق مسابقه ع مستوي جامعات مصر والحمد لله اناكتس منوفيه طلعت تالت مصر بعد الجامعه البريطانيه والجامعه الفرنسيه متتخليوش الفرحه الي الواحد حسها لما حس بنتيجه تعبه  طول السنه وتكريمه ع التعب ده  انا دخولي لاناكتس غير مني حاجات كتير وساعدني ان يكون ليا هدف وحلم بسعي عشان احققه ونقل حياتي من حياه اي طالب عادي بيروح الجامعه يقابل صحابه يسهر يقعد ع نت لواحد عايز يغير من مجتمعه للافضل انا بصراحه معرفتش المعني الصح للانشطه الطلابيه الا لما الصدفه دي حصلت ليا ومقدرش اتخيل انا من غير الصدفه دي حياتي كانت هتبقا عمله ازاي؟؟