الريادي محمد ياسين, تجربتي في الأنشطة الطلابية

mohamed yassen

انا اقدر اقول على نفسى انى من  المحظوظين اللى عرفو اهمية العمل التطوعى بدرى من اول ما دخلت الجامعة .

 قبل مندخل فى الحتة دى خلينى الاول اتكلم عن نفسى باختصار , فى الثانوية العامة دماغى كان تفكير كله فى الدراسة و بس زى معظم جيلى بس كنت دايما عايز ابقى حاجة تبقى ليا بصمتى بس مكنتش اعرف ازاى , دخلت هندسة حلوان الحمد لله , قعدت شهر كده تايه معرفش اللى باخده ده هيفيدنى بايه , لغاية واحد صحبى قالى فى  Event عاملاه IEEE فرع حلوان ,تعالى نروح , مكنتش فاهم طبعا  بس روحت و عجبنى جدا بس اندهشت لما اكتشفت ان اللى عاملينه ناس معانا و فى سننا , حسيت ان هو ده اللى بادور عليه.

قدمت و Accepted  و بقالى سنتين Volunteer اتعلمت فيهم كتيييير و قابلتنى مشاكل اكتر و ده اللى هاتكلم عنه .
اول سنة ليا كنت عامل زى الطفل اللى معاه لعبة جديدة و عمال اتعلم و اكتشف , الskills بتاعتى اتحسنت جدا زى ال presentation  و communication  ,  و عرفت terms جديدة زى teamwork , brainstorming , public speaking.

من المشاكل اللى واجهتنى ال Campaign Management , الـ Marketing مكانش مناسب لاسم IEEE فكان بيأثر على عدد الناس اللى كانت بتحضر,تانى حاجة ضيق الوقت قبل ال Events وكنا بسببها بنقعد كتير فى ال Meeting و ده كان بسبب ان جزء كبير من ال Volunteers كانو فى اخر سنة ليهم فانشغلو بالدراسة و المشروع .

و ده ينقلنى للسنة التانية اصعب سنة فى تاريخ الـ Branch  بسبب ان كل الـ Board كانو فى رابعة و محاولوش يساعدو او يعلمو اللى اصغر منهم او يحفزوهم انهم يقدمو كــ Heads ,فكانت اكبر مشكلة هى Incomplete Structure ,
و ده اثر على ال Volunteers فماكانوش Motivated  كفاية انهم يشتغلو , فالضغط على الــ Board الموجودة كان كبير.

فى رأيى الشخصى ان اللى بيفرق Student Activity عن التانى ال Volunteers بتوعو لازم يبقو Self-motivated , ميستنوش حد يقولهم اشتغلو يبقو مبادرين و Creative ,وعن نفسى باتمنى احسن مهاراتى و تبقى فى صفات الـ entrepreneur حتى لو مبقيتش entrepreneur.

و يا ريت مراعاة ان دى اول مرة اكتب مقالة.

Published
Categorized as Students

By Abdo Magdy

Founder & Storyteller at Egypreneur

Leave a comment

Your email address will not be published. Required fields are marked *