محمد صلاح: مكان اسمه: ديستركت

District
المكان : الديستركت – المعادى

رحت واتعرفت واتكلمت وشفت مكان وناس فى منتهى الايجابية ناس بتحاول تعمل حاجة فى ظل ظروف بلد صعبة بس هما شايفين الجانب المشرق والايجابى وان البلد فيها كنوز لازم تشوف النور

ومن ساعتها ابتدت علاقة بالمكان والناس

لحد شهر 9 لعام 2012 حين كانت بداية الاقامة الدائمة فى المكان واكتشاف اكثر لجوانب المكان والناس وقدرة المكان على جذب الكثير من الناس اللى على نفس الوتيرة ونفس التردد لموجة الايجابية والتحدى واثبات وجود فى ظل ضروف بلد تزداد صعوبة

علاقة بالمكان والاشخاص تجعلك تفكر كل لحظة فى وقتك وحلمك وانك لازم تنحج مهما كانت الظروف المحيطة بك او بفكرتك وحلمك لازم يشوف النور

مكان ليس عبارة عن حيطان وابواب وغرف ولكنه مكان به طاقة كانت تزيد كل يوم بزيادة المترددين عليه مع التواجد اليوميى تتكون عندك مناعة للسلبية وللاحباط وللتراجع

تتكون عندك حالة من الاصرار على كل ما هو صعب وتزداد قدرتك على التحليل ومقاومة اى شعور بالانهزام

هذا حال المكان

اما على الاشخاص فان المكان له قدرة غير عادية على جذب كل الاشخاص اللى من نفس النوع باختلاف افكارهم واحلاهم ولكنهم فى جميع الاحوال مشتركين فى نفس الصفات مع الاختلافات الشخصية بس الصفة العامة هى التحدى ومواجهة الصعب

هناك من لدية حلم التغيير الشخصى وهناك من لدية حلم التغيير للغير

الاشخاص فى الديستركت يعبرون منهم من يستقر ومنهم من لم يفهم حتى الفكرة (زيارة واحدة لهم تكفى) وهذا سحر المكان فى تصفية الاشخاص العابرين اتكلم عن نفسى وعن الاشخاص الموجودة بالديستركت مفيش غير كلمة العيلة او الاسرة احساس لازم تحسه هناك خصوصا فى الازمات الشخصية

مكان فعلا تقدر تشوف فيه اشخاص حتى لما تحب تساعد بتساعد بكل حب واهتمام

وفوق كده المكان فرض على كل الاشخاص انهم حتى لو فكروا فى المساعدة للغير لازم تكون بشكل ايجابى وان المساعدة بتكون انهم يساعدوا اللى محتاج المساعدة انه يساعد نفسه اولا مش مجرد مساعدة عابرة واللى انا بسميها مساندة حقيقية بكل ما تحمله كلمة مساندة باخلاص كل الكلام ده ما هو اللى امتنان للمكان والاشخاص اللى فى الديستركت مفكرتش اخص حد فى المكان لانك مش هتعرف تعمل كده الديستركت تجبرك على ان تنظر لها كمجموع ولا تستطيع ان تقسمها لافراد بعينهم

كل الشكر والتقدير للعيلة والاصدقاء اللى من غيرهم كنت اكيد مقدرتش اشوف كل الحب والايجابية ديه وفوق كل ده انى

اغير من نفسى

محمد صلاح

——
district_logo

الديستركت هي مساحة للعمل المشترك في المعادي, ممكن تنضم لصفحتهم علي الفيسبوك من هنا, أو تزور موقعهم وتتعرف علي خدماتهم من هنا.