1Sheeld Thunderclap Campaign, Saturday 12PM, who’s in?

thunderclap

كلنا بنحب نحتفل بالنجاحات المصرية الأصيلة, كتير منا بالذات الأنطربرونورز فاهمين كويس ان نجاح شركة ناشئة بيفتح المجال لكل الشركات الناشئة في مصر انها تنجح أكتر وأكتر بحيث ان المجتمع والمستثمرين والإعلام يبدأ يشوف القيمة من الشغل والدوشة اللي الأنطربرونورز عاملينها في البلد.

أحد الحاجات اللي بأؤمن بيها ان المنافسة الحقيقية في الشركات الناشئة والمؤسسات اللي بتحاول تساعدهم هي مش مبين الشركات أو المؤسسات وبعضيهم بالعكس المنافسة مبينهم وبين العالم الخارجي, الشركات الكبيرة والمنتجات القديمة اللي الشركات الناشئة ديه بتعمل حاجة أحسن منها, علشان كده كنت فرحان جداً ان المجتمع كله كان بيحتفل بنجاح حملة التمويل الجماعي لــ 1Sheeld المنتج الأول للشركة الناشئة Integreight في  The District Coworking Space وهم مؤمنين بالفكرة ديه وكل واحد مستعد يساعد باللي يقدر عليه.

أكتر حاجة عاجبتني ازاي فريق Integreight قدر يتفاعل ويجمع المجتمع كده مع بعضه ويخلي كل واحد يشارك باللي يقدر عليه, اتفاجئت بــ عمرو صالح المدير التنفيذيي للشركة بيقولي عايزين نعمل فيديو الناس اللي حاضرة بتقول فيه جملة معينة, وعايزينك توقف الناس وتديهم التعليمات علشان نعرف تصور, تقريباً انا عندي سمعة اني صوتي عالي وبعرف ازعق, بذكاء كبير عمرو كان بيحسسني والحاضرين اننا كلنا مشتركين في ده وكل واحد بيساعد باللي يقدر عليه.

المهم حس المجتمع ده ملهم جداً لأن هي ديه المبادئ اللي اتبني عليها إيجي برونور وإن شاء الله هينطلق منها تاني مع أول السنة الجديدة.

فريق انتجريت جهز حملة علي موقع ThunderClap انه يخلي الناس كلها تشارك حاجة معينة في نفس الوقت علي قنوات التواصل الإجتماعي, واختاروا معاد يوم السبت الساعة 12 الظهر للحملة ديه, عايزينكم جميعاً تشتركوا في حس المجتمع الجميل ده, ودلوقتي نقدر نشارك حتي لو بتويته أو بوست علي الفيسبوك, ممكن تخش تعلن عن مشاركتك في الحملة من هنـــا  وتجهز نفسك علي المعاد السبت الساعة 12 هنولع قنوات التواصل الإجتماعي.

كمان بما مهمتنا في إيجي برونور إننا نساعد الناس تبقي أنطربرونورز جامديين هنهدي كتاب دكتور نبيل شلبي “إبدأ مشروعك ولا تتردد” لواحد أو أكتر من المشاركين في الحملة هنختارهم بشكل عشوائي, مش محتاج أكتر انك تعلق علي البلوج ده بعد ما تشترك في الحملة وممكن تكسب نسخة مجانية من الكتاب.

هاه, مين دايس؟

دوووس هنا: http://bit.ly/1SheeldThunder

startThe first of its kind major Arabic book, which summarizes success stories of the richest Arab businessmen. Learn about their lives and how they succeeded. Step by step to start your small business and build a viable business plan. Learn about Islam encouraging look for entrepreneurship and what are the management skills that must be upheld by the success of the small business, and how to employ information and communication technology for the benefit of your business. A practical easy to use model and instructions of a feasibility study for your business. The book includes the first directory of supporting and financing institutions to SMEs in selected Arab countries.

Published
Categorized as General

By Abdo Magdy

Founder & Storyteller at Egypreneur

Leave a comment

Your email address will not be published. Required fields are marked *