الريادي شريف جبر

sherif gabr

انا اسمى شريف جبر خلصت رايع سنة كلية هندسة وفاضلى سنة ,فى جامعة المنوفية, اول ما دخلت الجامعة مكنش فى حاجة مهمة فى دماغى اللى هو داخل الجامعة وخلاص واتخرج
منها واشتغل وخلاص بس كنت فاكر انى لما اتخرج هشتغل  بمبلغ كبير ويبقى ليا وضعية مختلفة بعد التخرج بس اكتشفت انى معملتش اى حاجة عشان كل ده ومن اول ما دخلت سنة تالتة ( بعد اعدادى هندسة يعنى رابع سنة ) واتخصصت فى اتصالات الدنيا اتغيرت معايا شويتين وبدأت اغير من تفكيرى حتى اصحابى لاحظوا التغيير ده وبيقولولى انى اتغيرت وكدة وطول منا فى الكلية بتبقى عندى الرغبة انى اشارك ف الانشطة ف الكلية بس مأخدتش خطوة جدية انى اعمل كدة ومن اول سنة تالتة اخدت سكن جمب الكلية والموضوع اختلف معايا من وقتها من حيث المزاكرة والمشاكرة ف الانشطة
ومن اول سنة تالتة وانا بدور على اى نشاط طلابى كويس اشارك فيه وابدأ يبقى ليا نشاط ف الكلية واتغير لحد ما لاقيت بوست لميكروسوفت على جروب دفعتنا بيدوروا على اعضاء وكانوا منزلين ابلكيشن نملاه ونبعته ليهم وانا كنت متشوق انى ابعت الابلكيشن ده وانضم لكيان كبير زى ميكروسوفت وفعلا عملت كدة وبعته وبعد شهر ليدر ميكروسوفت ف كليتى كلمنى عشان انترفيو ف الكلية وروحت الانترفيو ومكنش صعب ومن وقتها وانا انضميت لميكروسوفت وحسيت ان هى بداية كويسة وهتدفعنى لقدام وفعلا طلعتنى لقدام لما امتحنت ف شركة منتور جرافيكس وعملت فيها انترفيو واتقبلت فيها واتدربت ف الشركة ومن اول ما بقيت عضو ف ميكروسوفت واصحابى بيقولولى انت اتغيرت لانهم عارفين انى مش بتاع الكلام ده ومليش ف الانشطة وكدة بس انا مكنتش مهتم ليهم اوى لانى عارف انى بعمل حاجة كويسة وهتفيدنى مستقبلا
وانا عن نفسى مش اجتماعى بالصورة الكبيرة مش بحب الخروجات وكدة ومشتركتش ف اى عمل جماعى قبل كدة و بحب الشغل الفردى اكتر ولما انضميت لميكروسوفت كنت حابب اقضى على النقطة دى بس للاسف محصلش تغيير كبير وانا مقتنع جدا ان العمل الجماعى بيطلع نتيجة افضل بكتير من العمل الفردى
وانا بحب المشاركة ف المواضيع مع اى حد ومش بحب ان حد يؤمرنى انى اعمل اى حاجة وكمان اللى بيأمرنى انى اعمل حاجة معينة بتعمد انى معملهاش مش عارف ليه وانا من طبيعتى مش بحب اخد اوامر والمفروض  ف العمل الجماعى من وجهة نظرى يكون شورى بين الكل والراى الاخير والنهائى يكون لليدر واهم حاجة مشاركة الكل برأيه مش البعض وان الكل يشارك ويكون ليه دور
Published
Categorized as Students

By Abdo Magdy

Founder & Storyteller at Egypreneur

Leave a comment

Your email address will not be published. Required fields are marked *