كيف تكتب بلوجاً – من وحي #ريادي

Blogging_Challenge

تمت كتابة هذا البلوج بواسطة عبدالرحمن مجدي, لمساعدة المشتركين في ريادي علي كتابة البلوج الخاص بهم, نشاركه هنا لتعم الفائدة.

لاحظت ان فيه ناس متعرفش يعني ايه Blog أصلاً ولا تكتبه ازاي, ده تعريف بسيط ومثال كنت بأشرحه لأحد زمايلكم وحبيت أشاركه معاكم, ياريت اللي عنده سؤال عن ازاي اكتب بلوج يقول.

علشان تكتب بلوج صح عايز تفكر في الاتي:

Purpose – الهدف
Ideas – الأفكار
Structure – التنظيم
Paragraph – المقاطع
Writing Skills – مهارات الكتابة

أولاً: Purpose – الهدف
عايزك تبدئي في التفكير في الهدف أنا عايزة أيه من الكتابة ديه, ممكن اعتبر انهم قالولنا في #ريادي نكتب بلوج علشان نعبر عن نفسنا يبقي Self Expression أو حاسة برغبة في مشاركة المعلومات والتجارب, عايزة تتشهري بالبلوج الجامد اللي كتبتيه علي #ريادي – أو أي هدف تاني, يبقي الهدف واضح. انا عايز أكتب علشان أوصل كذا كذا كذا. الأفكار والتنظيم والمقاطع هتكون كلها معتمده علي الهدف.

ثانياً: Ideas – الأفكار

ايه النقط والأفكار اللي هتتناولها – هات ورقة وقلم رصاص واقعد اكتب حبة أفكار عايز تعبر عنها او اعمل Mind Map, تعرف يعني أيه Mind Map؟ أي اسلوب يريحك انك تطلع اللي جواك. ممكن حتي تكلم نفسك شوية علشان تطلع الكلام, امشي في البيت وكلم نفسك وشوف هتقول ايه. لما توصل لحبة أفكار ملخبطة كده مكتوبين علي ورقة, أهم حاجة انهم مكتوبين, انت كده جاهز تبدأ تنظم.

How-to-create-a-mind-map-mindmap

ثالثاً: Structure – التنظيم

انا عايزك تكتبي Article
تكتبي Blog
يبقي لازم الكلام مبيبقاش كلام منطور زي فضفضة مع صحباتك, لازم تبقي الأفكار ديه مرتبة ومنظمة لمقاطع, فهناخد الأفكار العظيمة اللي جبناها من فوق ديه ونعمل مربعات كده ونحاول نقسمهم نشوف أيه الأفكار اللي ممكن نعملها Grouping نجيب حبة أفكار مع بعض علشان يكونوا مقطع مفيد. ونقسم بقي الكلام اللي عايزين نكتبه للمقاطع ديه, بقين عارفين اننا عايزين نكتب مثلاً خمس أو سبع أو عشر مقاطع بتعبر عن خمس أو سبع أو عشر أفكار, وممكن مقدمة وخاتمة.

رابعاً: Paragraph – المقاطع

هأفترض انك عايز تكتب خمس Paragraphs – خمس قطع: الــ Paragraph ده هو وحدة كده أربع خمس سطور بتعبر عن معني متسق, بتوصل فكرة معينة.

هتعمل أيه؟
تشوف خمس أفكار رئيسية والأفكار المتفرعة منها, تمسك كل واحدة وتستفيض فيها من غير تكرار
خد مثلاً: أول مقطع تعريف بيك انت كاتب: انا فلان الفلاني من كليه كذا كذا … خد ديه واستفيض فيها اكتب اربع خمس سطور عنك شخصياً

قول مثلاً في الثانوية العامة كنت عايز أحس كذا وكذا وكنت معتفد كذا وكذا, اتولدت في بيئة مشجعة أو مش مشجعة علي الإستقلال, كان عندي أحلام وامال, قدامي تحديات كذا وكذا

وممكن تقول ازاي اتعرفت علي النشاط الطلابي ده, وايه اللي حصل في التقديم عليه, وليه اخترت تنضم لده مش لحاجة تانية

استفيض في تعريف نفسك بكلام حقيقي وليه معني

فهأفترض ان كده بقي عندك مقطعين 1- عن نفسك وخلفيتك 2- عن النشاط الطلابي عرفته ازاي وازاي انضميت ليه

تقول هأتكلم علي مشكلة هي “العمل الجماعي” وازاي انك شايف انه تحدي كبير, وازي بتواجهة وتكتب كل أفكارك عن العمل الجماعي ونفسك الفريق المثالي يبقي عامل ازاي
تكتب فده كمان اربع خمس سطور بمعني

تييجي علي الفكرة اللي بعدها, موضوع الرئيس واخد اوامر من حد وفحوي الموضوع ده, وتأثيرة النفسي عليك وعلي اللي حواليك

بعدين تكتب مقطع اخير مثلاً عن التغيير بتتمني تغير ايه فيك, ايه الصورة المثالية اللي بتتمناها لنفسك والأنشطة الطلابية اللي انت فيها

كده بقي خمس مقاطع كل واحد اربع خمس سطور وليهم معني وليهم structure بتعبر بيهم عن نفسك وتوصلك فكرك للناس

خامساً: Writing Skills – مهارات الكتابة

ديه مش مسابقة مهارات كتابة, وانت مش محتاج تبقي أفلاطون علشان تكتب بلوج, لو بتعرف تكتب Facebook Status أو Comment يبقي لو قريت الكلام اللي فوق هتعرف تكتب Blog

عارف ان فيه ناس مهمتها في الحياة كلها الكتابة
فلما بتتعمل الكتابة بتقدر تأثر وتبقي #ريادي بصحيح

يالا مستنين الجواهر..

By Abdo Magdy

Founder & Storyteller at Egypreneur

Leave a comment

Your email address will not be published. Required fields are marked *